法达斯维:红鑽三箭强者大驳火
采集侠
发表于:2015-09-25 14:452
主场无敌Vs弗到爆灯
今轮日职重量级戏码,由首阶段盟主浦和红鑽主场迎战广岛三箭。红鑽仍属今季不败之师,喺自己地头出击更係赢到开巷,不过「一哥」三箭踏入次阶段火力全开,近两仗狂轰10粒唔係人咁品,尤其係王牌佐藤寿人只差3球,便成为日职史上士哥王之一,今仗必定搏甩髀争取入波,呢场乃癫凤斗狂龙格局,斯维宁捧入球大。(有线61及201台周日晚6时直播)
红鑽今季一洗近年经常临尾香嘅陋习,攻守兼备,并创下日职最佳开季纪录,令佢哋以12胜5和不败佳绩勇夺首阶段冠军,虽然去到次阶段头两仗(都係作客)只係胜和各一,比起早前强势略为收敛,但睇番佢哋喺首阶段主场9仗全胜,喺自己地头出击特别恶,真係连个和字都唔识写。两大前锋兴梠慎三同武藤雄树又当弗,频频入波交足货,今仗只得后衞那须大亮坐波监,随时以攻代守狂砌三箭。
佐藤寿人冲日职入球纪录
不过三箭亦唔係好恰,踏入次阶段更加着晒火,继首仗以4比3险胜仙台维加泰后,上仗更狂派松本山雅6隻光蛋杀上榜首,火力全开劲到冇朋友。儘管王牌佐藤寿人对山雅之役竟然食白果,不过呢位老牌射手质素唔使怀疑,睇番佢目前喺日职总共累积154个入波,为现役球员之冠,只要入多3粒,就可追平前日本国脚兼传奇前锋中山雅史保持嘅157球纪录,荣升日职史上士哥王之一,势必激起佐藤寿人嘅斗心,红鑽后防真係有得震冇得瞓。一队弗到漏油,另一队进攻大过天,随时合演入球骚,与其估边队赢,斯维觉得转玩大盘最稳阵。
热门资讯
资讯动态
热点标签